• Sabtu, 3 Desember 2022

Anak Jendral

- Minggu, 2 Oktober 2022 | 10:00 WIB

NONGKRONG.CO ---Cerkak. Anak Jendral. “Kowe ngapa to nek dandan mesthi seksi ngono kuwi?” takone Oliv marang Vera.

“Seksi apa to? Dandanku ya mung ngene-ngene bae,” balese Vera entheng. Oliv mbesengut. Wis watara setahunan iki dheweke dadi mahasiswa anyar neng salah sawijine perguruan tinggi neng Jogja. Dadi kancane Vera. Ning ya ngono kuwi. Angger-angger dheweke gregeten karo Vera.

Mergane Vera yen dandan seksi banget. Asring banget kuwi Vera mlebu kampus mung nganggo tanktop lan celana pendek jian cingkrang ngepres tenan kae. Iya pancen ditutupi jaket, ning tetep bae. Rasane kaya lagi pamer pupu, pamer kemulusan lengene.

Baca Juga: Gelang Emas

Sejatine ya ora piye-piye. Wong ngono kuwi mung sedhela. Yen neng kampus, nalika mendhun saka mobil, Vera wis langsung mbungkus awake sing nganggo baju fakir miskin serba kekurangan kuwi nganggo blazer. Blazere modhel-modhel Cina utawa Korea ngana kae. Dadi nganggo lengen dawa nganti ngisor dhengkul.

Dadi yen kuliyah ngono kuwi, penampilane Vera ya ora beda karo mahasiswi liyane. Rapi lan patut. Soale yen klambine ra patut, ora oleh mlebu kampus. Sandhalan jepit bae kon bali karo satpame aliyas ora isa mlebu kampus. Dadi ngenani Vera dandanane sarwa cingkrang cekak kekurangan ngono kuwi, ya ora ana sing ngerti saliyane Oliv. Mergane ya Oliv sing mben dina mangkat mulih bareng karo Vera.

Baca Juga: KRL…, Oooh KRL…!

Janjane ya ora apa-apa, masiya dandane kurang ngono kuwi, saora-orane Vera isih empan papan. Paling ora yen kuliyah ya rapi lan tertutup. Ning maksude Oliv mbok ya si Vera ki nganggo baju sing patut saka omah lan yen neng panggonan liyane.

Soale Vera nganggo blazer kuwi yen mung neng kampus. Mengko metu seka kampus, neng endi-endi ya nganggo seragam cingkrange kuwi. Oliv sok risih dhewe yen ana sing njur ana wong lanang-lanang jelalatan nyawangi Vera.

Halaman:

Editor: Ari Wulandari

Tags

Artikel Terkait

Terkini

Ibu Negara Cerbung Bagian 35

Jumat, 2 Desember 2022 | 19:00 WIB

Ibu Negara Cerbung Bagian 34

Kamis, 1 Desember 2022 | 19:00 WIB

Cerpen Lolong Karya Trip Umiuki

Rabu, 30 November 2022 | 20:18 WIB

Chairil Berpantun Karya Trip Umiuki

Rabu, 30 November 2022 | 19:30 WIB

Ibu Negara Cerbung Bagian 33

Rabu, 30 November 2022 | 19:00 WIB

Ibu Negara Cerbung Bagian 32

Selasa, 29 November 2022 | 19:00 WIB

Ibu Negara Cerbung Bagian 31

Senin, 28 November 2022 | 19:00 WIB

Ibu Negara Cerbung Bagian 25

Jumat, 25 November 2022 | 19:00 WIB

Ibu Negara Cerbung Bagian 29

Kamis, 24 November 2022 | 19:00 WIB

Ibu Negara Cerbung Bagian 28

Rabu, 23 November 2022 | 19:00 WIB

Ibu Negara Cerbung Bagian 27

Selasa, 22 November 2022 | 19:00 WIB

Ibu Negara Cerbung Bagian 26

Senin, 21 November 2022 | 19:00 WIB

Ibu Negara Cerbung Bagian 25

Jumat, 18 November 2022 | 19:00 WIB
X